വാടാനപ്പിള്ളി: തൃത്തല്ലൂരിൽ കാറിടിച്ച് ലോട്ടറി വിൽപ്പനക്കാരൻ മരിച്ചു. തൃത്തല്ലൂർ ഗവ. ആശുപത്രിക്കു തെക്ക് പണിക്കവീട്ടിൽ മൊയ്തീൻ(60) ആണ് മരിച്ചത്.
ഇന്നലെ രാവിലെ 5.45 ഓടെയായിരുന്നു അപകടം. നടന്ന് ലോട്ടറി വിൽപ്പന നടത്തിവന്നിരുന്ന മൊയ്തീൻ വിൽപ്പനയ്ക്കായുള്ള ലോട്ടറിയുമായി റോഡിനു കുറുകെ കടക്കുന്നതിനിടയിൽ കാർ ഇടിക്കുകയായിരുന്നു. റോഡിലേക്കു തെറിച്ചു വീണ ഇയാളെ വാടാനപ്പിള്ളി ആക്ട്സ് പ്രവർത്തകർ തൃശൂരിലെ സ്വകാര്യആശുപത്രിയിൽ എത്തിച്ചെങ്കിലും മരിച്ചിരുന്നു. വാടാനപ്പിള്ളി പോലീസ് മേൽനടപടികൾ സ്വീകരിച്ചു.